جامعة المسوقين الجدد

ابدأ تجارتك من غير رأس مال، ومن غير مخزون

احنا نوفر لك المنتج، والتخزين، والشحن، والتحصيل من العميل — وكل اللي عليك هو التسويق. مش هنخليك تشيل الهم! انت سوّق، واحنا نكمل الباقي.

الفكرة في دقيقة

7agat.online متجر إلكترونيات حقيقي في مصر: ساعات ذكية، إيربود، هيدفون وسماعات، باور بنك، كابلات وشواحن، اكسسورات موبايل وسيارات، وغيرها. انت مش بتشتري بضاعة، ومش بتخزنها عندك، ومش بتشحنها بنفسك. انت بتختار منتج من الكتالوج، وبتسوّقه لجمهورك على واتساب وفيسبوك وتيك توك، وبتكسب عمولة على كل طلب بيتسلم فعلا.

الفرق عن المنصات الأخرى: المنصات الأخرى فيها موردين كتير ومنتجات كتير من كل المجالات. 7agat متجر واحد متخصص في الإلكترونيات، بمنتجاته هو، وأسعاره وعمولاته هو، وقواعده هو — وده معناه منتجات أوضح، وعمولة أوضح، ومتابعة أوضح.

مين بيعمل إيه؟

طريقة العمل في 5 خطوات

1. سجّل واختار اسمك: سجّل من صفحة التسجيل، واختار اسمك في اللينك بنفسك. حسابك بيفضل قيد المراجعة لحد ما الإدارة توافق عليه يدويا.
2. اختار منتجك: بعد التفعيل، ادخل لوحة المسوّقين، واتصفح الأقسام الرئيسية والفرعية زي المتجر بالظبط. حمّل صور المنتج كلها مرة واحدة، وحمّل وصفه في ملف تكست.
3. سوّق بطريقتين: بلينكك، أو اطلب لعميلك بنفسك ببياناته، وحدد عمولتك في الطلب، والنظام يحسب لك: سعر المنتج النهائي على العميل، وسعر الشحن، وإجمالي المطلوب من العميل، وصافي عمولتك.
4. احنا نشحن ونحصّل: الشحن ثابت: 50 جنيه القاهرة والجيزة، و70 جنيه باقي المحافظات. والدفع عند الاستلام.
5. عمولتك توصلك بسرعة: عمولتك بتبقى تحت المراجعة لحد يوم واحد بحد أقصى من استلام العميل للأوردر، وبعدها بتبقى جاهزة للسحب. الحد الأدنى لطلب السحب: 200 جنيه، بفودافون كاش أو إنستا باي.

عمولتك بتتحسب إزاي؟ — مثال عام بالأرقام، مش أسعار منتجات حقيقية

مثال عام فقط: منتج سعره المقترح للعميل 1000 جنيه، وعمولتك الأساسية له 100 جنيه، وأعلى سعر بيع مسموح 1200 جنيه. لو بعت بالسعر المقترح 1000، عمولتك = 100 جنيه. لو بعت بـ 1150، عمولتك = 100 أساسية + 150 زيادة = 250 جنيه. سعر الشحن منفصل تماما: لو العميل في القاهرة، إجمالي المطلوب منه = 1150 + 50 = 1200 جنيه، وعمولتك لسه 250 جنيه.

قاعدة مهمة: العمولة بتتحسب على سعر المنتج الأساسي، مش على سعر العرض. لو المنتج عليه عرض حاليا للعملاء المباشرين، هيظهر لك في لوحتك بسعره الأساسي، ومعاه ملحوظة إنه عليه عرض للمباشرين حاليا.

قواعد لازم تعرفها من أول يوم

1. حد المسوّق الجديد: 20 أوردر. بعد 20 أوردر، لازم الإدارة تفتح لك الحد بعد مراجعة أداءك.
2. بيانات العميل لازم تبقى صح 100%. رقم غلط أو محافظة غلط = أوردر ممكن يتلغي.
3. البيانات الاختيارية لو ناقصة، الأوردر بيتقبل برضه، بس بيظهر إنه محتاج استكمال بيانات، وتقدر تكملها أي وقت قبل الشحن.
4. ممنوع تطلب لنفسك وتاخد عمولة. لو بيانات العميل هي نفس بياناتك، مافيش عمولة.
5. لو الأوردر اتلغى أو اترجع، عمولته بتتلغي. ولو كنت سحبتها فعلا، بتتخصم من عمولاتك الجاية.
6. سعر البيع ما ينزلش عن الحد الأدنى، وما يعديش الحد الأقصى.

أخطاء المبتدئين — اتجنبها

• ترويج لمنتج خلص من المخزون — اتأكد من حالة المخزون قبل ما تنشر.
• وعد العميل بسعر العرض المباشر، وانت بتبيع بسعر المسوّق — وضّح للعميل السعر النهائي بالشحن قبل ما يأكد.
• إدخال رقم عميل غلط، أو عنوان ناقص — راجع البيانات قبل التأكيد.
• اعتبار كل أوردر مبيعة قبل ما يتسلم ويتحصّل فعلا — العمولة بتتحسب بعد التسليم، مش بعد الطلب.

أسئلة شائعة

هل محتاج رأس مال؟ لا. انت مش بتشتري بضاعة ولا بتخزنها.

إمتى أسحب فلوسي؟ بعد يوم واحد بحد أقصى من استلام العميل، ولو رصيدك الجاهز وصل 200 جنيه، تقدر تطلب سحب.

إزاي بستلم؟ فودافون كاش أو إنستا باي، بالرقم اللي انت مسجله.

أقدر ألغي أوردر؟ أيوه، لو لسه ما اتشحنش، من لوحتك. بعد الشحن، الإلغاء من عند الإدارة.

سجّل كمسوّق جديد تسجيل الدخول صفحة الشروط والاتفاقية